مش عارف ليه مش قادر أتخيل أو أصدق إن اللى حصل ده كان بإرادتك الحقيقيه عندي إحساس إن فيه سبب تانى غير اللى قولتيه ليا
اللى مخليني مش مصدق ممكن يكون حبي ليكي
وممكن يكون غرور
لكن الإحساس ده قوي عندي
ومش عارف ليه دلوقتى إنتى بتحاولى تخليني أكرهك
مش قادر أقرى الصورة بوضوح تام
ياترى إنتى ملاك بيضحي عشان غيره لأنه بيحب غيره أكتر من نفسه؟
ياترى وصل بيكي الحب ده لدرجة إنك تحطي نفسك فى وضع ممكن يخليكي فى نظر حد بيحبك متهمه ؟
انك تظلمي نفسك؟
ولا إنتي صورة صارخه للمرأة المريضه والأنثى الماكره اللى فى دماغها هدف مرضي متعتها إنها توصله ومايهمهاش اى شئ تاني ؟
ولا تصرفاتك دي نوع من أنواع الغباء الطفولى ؟
اتمنيت اننا ننسي ونفضل أصحاب بجد بينا حب يقربنا وصداقه تجمعنا حب يبان فى كلامنا وفى تصرفاتنا خوف على بعض وتمنى جميل بالسعاده والخير لينا احنا الإتنين
لكن لاقيت العكس تماما
التحفظ فى الكلام والرسمية فيه تحسس اى حد محدود الذكاء حتى
إنك يا إما فعلا كرهتيني بطريقه فظيعه
أو إنك بتحاولى تخليني أكرهك
لو حاسه ان حتى الصداقه بينا هاتسببلك تعب ننهيها للأبد ونفضل محتفظين بذكريات طيبه بينا أجمل؟
ياريت تفهميني الحقيقه
وياريت تتصرفي بذكاء عشان كده هانخسر حتى الصداقه
ياريت بجد
عشان خاطري
2 comments:
اشكرك على زيارتك مدونتى انا حظى حلو انك عديت عليا عشان اكتشف هذه المنطقة الرومانسية
احنا بنفتقد الحب اوى دلوقتى يا صديقى انت ادتنى امل ان لسة فيه ناس بتقدر و تفهم يعنى ايه حب و ايه مدى اهميته للأنسان
بتختار صورك بطريقة حلوة اوى احييك عليها
بص باه اعمل التعليقات فى صفحة لوحدها عشان لما المعلقين حيزيدوا عندك التحميل حيتقل اوى دى مشكلة واجهتنى قبل كده و الكل اشتكى منها اعملها من setting و بعدين اختار commentحتلاقى جوه فيه خيار بيقولك فى popuo اختار no و بالمرة الغى ال wordviction الى هو الكلام الى بنكتبه ده عشان ننشر عندك التعليق
انا مش بادخل والله بس الحاجات دى كانت بتخلى ناس تزهق من انها تقول رأيها عندى فقلت انبهك
تحياتى مرة اخرى على هذه المدونة الجميلة
عاليا سعيد جدا بزيارتك وبكلامك الرقيق عن المدونه
وانا غيرت فى الsetting
اتمنى تتكرر الزياره
تحياتى ليكي يا عاليا
Post a Comment