أقولك إيه عن الشوق يا حبيبي
أقولك إيه ومين غيرك داري بي
ليالى في هواك أسهر أفكر
ومهما قلتلك في القلب أكتر
شوية إني أقولك
يا حبيبي
ياريت في كلمة أكتر من
حبيبي
**
أقولك إيه وإيه يوصف هوايا؟
وأنا فـ قلبي كلام مالوش نهاية
دي أجمل كلمة في الدنيا
حبيبي
باقولهالك وبرضه
مش كفايه
ماقولش منايا كان حبك
ده أكتر مـ اللى باتمناه
ومـ الفرحه وأنا جمبك
باعيش في كل لحظة حياة
وقلبي نعيمة فى قربك
وأنت فرحته ودنياه
وأقولك إيه؟
شوية إني أقولك ياحبيبي
ياريت فيه كلمة أكتر من
حبيبي
**
هواك هو اللى خلى العمر غالي
وبالثانية أحسبه مش بالليالي
وأخاف أسرح تفوتني لمحه منك
ومـ الدنيا اللى اجمل من خيالي
هواك
نسى الزمان طبعه
وخد منه الأمان لينا
ودارى عننا دمعه
وخلاه مادري بينا
ونور للأمل شمعه
وطول ليل ليالينا
وأقولك ايه؟
شوية إنى أقولك ياحبيبي
ياريت في كلمة أكتر من
حبيبي
9 comments:
ايوه كده
هو ده الكلام لازم تنزل بوستات ورا بعض ماتقعدش فتره كبيره
انا سعيده ان انا اول تعليق فى البوست ده
بس بجد اسفه جدا فى التاخير علشان النت عندى سئ شويه
حلو الشعر واحلى جزء عجبنى
هواك هو اللى خلى العمر غالي
وبالثانية أحسبه مش بالليالي
وأخاف أسرح تفوتني لمحه منك
ومـ الدنيا اللى اجمل من خيالي
هواك
نسى الزمان طبعه
وخد منه الأمان لينا
ودارى عننا دمعه
وخلاه مادري بينا
ونور للأمل شمعه
وطول ليل ليالينا
وأقولك ايه؟
شوية إنى أقولك ياحبيبي
ياريت في كلمة أكتر من
حبيبي
بجد ده عجبنى جدا
وتعليقا على الكلمات دى اكيد كلمة حبيبى قليله لان اللى بيحب حد بجد بيكون الكلام قليل جدا
والاهم منه الفعل والتضحيه لانهم اكتر دليل على الحب لكن الكلمات مفيش اسهل منها
ممكن كمان من غير الكلام يوصل حبك اسرع واقوى ومايتنسيش
بنظره مليئه بالحب تكفى :)
نتظر منى بوست جديد فى المدونه بعنوان عيناك هيعجبك جدا ان شاء الله
منتظره بوست جديد هنا :)
مع ارق تحياتى
kitty
انتى منورة البلوج كله والله
وحقيقي أنا اللى سعيد انك دايما
تكونى أول تعليق
على أى بوست اكتبة هنا
وفعلا الكلام بيكون شوية لما بنوصف بيه مشاعرنا
خصوصا الحب
اللى هو أجمل احساس فى الوجود
نورتينى وأسعدتينى بتعليق
وأكيد أى بوست تكتبيه هايعجبني
لأن أنتى اللى كاتباه
ربنا يسعد كل قلب بيحب
وينول رضاه
ميرسي ياكيتي على تشجيعك ليا
بااااااااااى
عزيزى
بجد كلام سلس وجميل
محب هادئ
بتكتب المشاعر باحساس صادق
بجد عجبانى اوى
اتمنا اقرالك كتير
تحياتى
سلام
اين انت؟؟؟؟
كل سنه وانت طيب بمناسبة الشهر الكريم
اتمنى يكون سبب الغياب خير
انا نزلت عيناك خلاص وسورى على التأخير علشان كنت بظبط البوست
اتمنى انك تشرفنى وتشوفه واتمنى انه يعجبك
تحياتى لك :)
2ywa kda,2oul 2l kalam 2l gamil dh
howa dh 2ly yet2al we yetsama3
kalam ra23 we 7asas gdn bgd
ba7ayeek 3ala kalamk bgd to7faaaaaa
mafesh kalam fe doniyia 7lw 27la kalamna 2ly fel 7ob
kol sana we 2nta tayb
ramdan kareem 3aliik
we 3alena kolna bl7ob 3ala toooooooooooooooooooooooooll isa :D
يا ريت فيه كلمة أكتر من حبيبي ...
سلام الله عليك
دي اول مره ليا اجي هنا
بس ان شاء الله هتتكرر كتيرر
بوست هايل و كلمات جميله
بالتوفيق
و يا ريت في كلمة اكتر من حبيبي
تحياتي
د.
زيزي
كل عام وانت والامه الاسلاميه بالف خير وسعاده
kitty
R.O.U.R.O.U
mohamed hesham
Meekness
سعيد جدا بتعليقاتكم الجميله
وآآآسف جدا جدا على التأخر فى الرد
بس كانت ظروف غصب عني
ميرسي ليكم
كلكم
Post a Comment